Փետրվարի 28-ին ,,Հազվադեպ հիվանդությունների միջազգային օր

Հարգելի գործընկերներ
Սույն թվականի փետրվարի 28-ին ,,Հազվադեպ հիվանդությունների միջազգային օրվա կապակցությամբ Հայկական Արյունաբանական Ասոցիացիան կազմակերպում է ,, Հազվադեպ հիվանդությունները Հայաստանում,, խորագրով մեկօրյա գիտական սեմինար: Միջոցառման աջակիցներնն են ՀՀ Առողջապահության Նախարարությունը, ՀՀ ԱՆ պրոֆ. Յոլյանի անվան Արյունաբանական կենտրոնը, Մ. Հերացու անվան Երևանի Պետական Բժշկական Համալսարանը, «Նեյրոհերեդիտար հիվանդությունների» Ասոցիացիան: Միջոցառման իրականացումն ողջունել և իր աջակցությունն է հայտնել EURORDIS-ը , որը հանդիսանում է այդ օրվա միջազգային միջոցառումները համակարգող հիմնական կառույցներից մեկն է:
Սիրով հրավիրում ենք 28.02.2013-ին ժամը 15:00-ին Մ. Հերացու անվան Երևանի Պետական Բժշկական Համալսարանի Նիստերի դահլիճ:
Նախատեսվում է միջազգային օրվան նվիրված տեսահոլովակի դիտում ,
,, Հազվադեպ հիվանդությունները Հայաստանում,, գիտաժողովի ծրագիրը
15:00 Բացման խոսք

Ողջույնի խոսք Միքայել Նարիմանյան
Երևանի Մխիթար Հերացու անվան պետական բժշկական համալսարանի ռեկտոր, բ. գ. դ. պրոֆեսոր

Դերենիկ Դումանյան
ՀՀ Առողջապահության նախարար, բ. գ. դ. պրոֆեսոր
ԳԻՏԱԿԱՆ ԶԵԿՈՒՑՈՒՄՆԵՐ
15:15 Հազվադեպ հիվանդություններ. Խնդիրներ
և նախադրյալներ Ս.Ս. Դաղբաշյան
ՀՀ ԱՆ պրոֆ. Յոլյանի անվան արյունաբանական կենտրոնի տնօրեն, ԵՊԲՀ արյունաբանության և տրանսֆուզիոլոգիայի ամբիոնի վարիչ, Հայկական արյունաբանական ասոցիացիայի նախագահ, բ.գ.դ., պրոֆեսոր
15:30 «Հազվադեպ հիվանդությունների ազգային ծրագիր և EUROPLAN (2012-2015) - որպես առողջապահության առաջնահերթ խնդիրներից մեկը» Ա.Ա. Մաթևոսյան
«Նեյրոհերեդիտար հիվանդությունների» Ասոցիացիայի Նախագահ, ԵՊԲՀ բժշկական գենետիկայի հանրապետական կենտրոն, բ.գ.թ., դոցենտ
15:50 Հազվադեպ հիվանդությունների մոլեկուլային - գենետիկական ախտորոշման արդյունավետությունը Դ. Բաբիկյան,
ԲԳԿ-ի մոլեկուլային գենետիկայի լաբ. վարիչ, ԵՊԲՀ բժշկական գենետիկայի ամբիոնի ասիստենտ, կ.գ.թ.
16:00 Վալդենստրոմի մակրոգլոբուլինեմիա Կ. Հ. Մելիքսեթյան`
ՀՀ ԱՆ Արյունաբանական կենտրոն, Հայկական Արյունաբանական Ասոցիացիա
16:10 Լեյկոզների գենետիկայի հետազոտման ռազմավարությունը Հ. Մկրտչյան
ԲԳԿ-ի բջջագենետիկայի լաբորատորիայի մասնագետ-բջջագենետիկ, ԵՊԲՀ բժշկական գենետիկայի ամբիոնի ասիստենտ, կ.գ.թ.
16:20 Սնկանման միկոզ Մ.Վ. Սաարյան
ԵՊԲՀ արյունաբանության և տրանսֆուզիոլոգիայի ամբիոն, Հայկական Արյունաբանական Ասոցիացիա
16:30 Նյարդա-մկանային հիվանդությունների ախտորոշման գենետիկական հետազոտությունը և ախտորոշումը Ք. Հովհանեսյան,
ԲԳԿ-ի լաբորատորիայի վարիչ, Կ.գ.թ.
16:40 Հեմոֆիլիա Հ. Ս. Խաչատրյան
ՀՀ ԱՆ Արյունաբանական կենտրոն, Հայկական Արյունաբանական Ասոցիացիա
16: 50 Հազվադեպ հիվանդությունները ընտանեկան բժիշկների վերապատրաստման ծրագրում Մ.Ռ.Օհանյան
ԵՊԲՀ նտանեկան բժշկության ամբիոն, Ընտանեկան Բժշկության Ակադեմիական Միավորման համանախագահ
17:00 Թալասեմիա Գ.Ա. Կարապետյան
ԵՊԲՀ, արյունաբանության և տրանսֆուզիոլոգիայի ամբիոն, Հայկական Արյունաբանական Ասոցիացիա
17:10 Պարոքսիզմալ գիշերային հեմոգլոբինուրիա Ա.Վ. Նալբանդյան, Ք.Թ. Պողոսյան
ԵՊԲՀ, արյունաբանության և տրանսֆուզիոլոգիայի ամբիոն, Հայկական Արյունաբանական Ասոցիացիա
17:20 Պորֆիրիա Ե. Կ. Հակոբյան
ՀՀ ԱՆ Արյունաբանական կենտրոն, Հայկական Արյունաբանական Ասոցիացիա, բ.գ.թ.,

17:30 Հազվադեպ հիվանդությունների միջազգային օրվան նվիրված ուղերձի ընթերցում , խմբային նկարահանում

ԲԺՇԿԱԿԱՆԸ դասադուլի չի մասնակցելու

ԲԺՇԿԱԿԱՆԸ դասադուլի չի մասնակցելու, որովհետև ապագայում ձեզ և ձեր հարազատներին պաստառներով և լոզունգներով չենք կարող բուժել: Մտածեք այդ մասին:

ՇՈՒՏՈՎ Նոր միջոցառում ԵՊԲՀ ուսանողական խորհրդարանի կողմից STOP TUBERCULOSIS

1993 թ. Առողջապահության համաշխարհային կազմակերպությունը տուբերկուլյոզը հայտարարեց համազգային աղետ, իսկ մարտի 24-ը հայտարարեց «Տուբերկուլյոզի դեմ պայքարի համաշխարհային օր» :

Վարակի հիմնական աղբյուր է հանդիսանում թոքերի տուբերկուլյոզով հիվանդ մարդը, որից վարակը փոխանցվում է օդակաթիլային, հազվադեպ՝ ալիմենտար(սննդի հետ) եղանակներով: Երկրորդական դեր ունեն վարակի մյուս աղբուրները. տուբերկուլյոզով հիվանդ խոշոր եղջերավոր կենդանիները, խոզերը, կատուները, շները, թռչունները, որոնցից մարդը կարող է վարակվել ինչպես օդակաթիլային, այնպես էլ կոնտակտային(շփման միջոցով) եղանակներով:

Բարեբախտաբար միշտ չէ, որ օրգանիզմի վարակումը միկոբակտերիաներով բերում է հիվանդության առաջացման: Այս առումով կարևոր նշանակություն ունեն կյանքի անբարենպաստ պայմանները և օրգանիզմի դիմադրողականության անկումը: Հիվանդության առաջացմանը նպաստում են թերսնուցումը, երկարատև ֆիզիկական և էմոցիոնալ լարվածությունը, որոշ խրոնիկական հիվանդություններ(շաքարային դիաբետ,խոցային հիվանդություն, խրոնիկական ալկոհոլիզմ և այլն)

Առանձնահատուկ (սպեցիֆիկ) հակատուբերկուլյոզային կանխարգելումն իրականացվում է ԲՑԺ վակցինայով: Վակցինացումը կատարվում է պարտադիր կարգով բոլոր նորածիններին, եթե հակացուցումներ չկան: Պատվաստված երեխաների հիվանդացության մակարդակը մի քանի անգամ ցածր է: Վակցինայի ազդեցության տևողությունը 4-5 տարի է, որից հետո իմունիտետն աստիճանաբար մարում է: Դրա համար մինչև 30 տարեկանը պարբերաբար կատարում են կրկնակի վակցինացում:

Վերջին տարիներին տուբերկուլյոզով հիվանդացությունը Հայաստանում և ողջ աշխարհում կտրուկ բարձրացել է։ Առավել հաճախ այն ախտահարում է շնչառական համակարգը ։ Տուբերկուլյոզի հարուցիչներ կան ամենուր։ Շատ կարևոր է ժամանակին ճանաչել այս հիվանդությունը դեռ վաղ շրջաններում։

Տուբերկուլյոզի նշաները 

Դյուրհոգնելիություն, թուլություն,

գլխացավեր,

ախորժակի բացակայություն, քաշի կորուստ,

քրտնոտություն

Արյունատվության «ԱՎԱՐՏԸ»

Փետրվարի 21-ին` Յոլյանի անվան արյունաբանական կենտրոնում տեղի ունեցավ սույն թվականի փետրվարի 5-ին մեկնարկած, քաղցկեղի դեմ պայքարի միջազգային օրվան նվիրված արյունատվության հաջորդ` բուն արյունատվության փուլը: Շուրջ 20 կամավորներ այցելեցին Արյունաբանական կենտրոն և հանձնեցին արյուն` դրա կարիքը ունեցող մանուկների համար: Կամավորները 3 անգամ ավելի շատ էին, սակայն հիմնվելով դոնորների ֆիզիկական և առողջական որոշ տվյալների վրա, մեր բժիշկները արգելեցին ոմանց արյունատվությունը:  Ի սրտե շնորհակալ ենք բոլորից: Այս միջոցառումը կարելի է համարել հաջողված: Մնում է միայն ասել, որ սա միայն սկիզբն է, և այժմ ամբողջ թիմով աշխատում ենք նոր միջոցառումների համար. մանրամասները առաջիկայում:

Միջոցառումը կազմակերպել է ԵՊԲՀ ուսանողական խորհրդարանը:

ԱՐՅՈւՆԱՏՎՈւԹՅՈւՆ

 Սույն թվականի փետրվարի 21-ին Ռ. Յոլյանի անվան արյունաբանական կենտրոնում իրականացնելու ենք արյունատվություն` մեր ծրագրի եզրափակիչ փուլը: Բոլոր ցանկացողները` անգամ նրանք, ովքեր չեն մասնակցել փորձաքննության փուլին, կարող են դառնալ արյան դոնոր: Մասնակցելու համար ուղակի անհրաժեշտ է 21.02 ժամը 9.10 լինել ԵՊԲՀ վարչական մասնաշենքի 1-ին հարկում, կամ ժամը 9.25 Արյունաբանական կենտրոնում(Զեյթուն, 8-րդ հիվանդանոցի հարևանությամբ): ՈւՇԱԴՐՈւԹՅՈւ՛Ն . ԱՆՁԸ ՀԱՍՏԱՏՈՂ ՓԱՍՏԱԹՂԹԻ ԱՌԿԱՅՈւԹՅՈւՆԸ ՊԱՐՏԱԴԻՐ Է : Դոնորները դասերից ազատվում են' (նույն օրվա ընթացքում) նրանք կարող են հետագա դասերին չհաճախել: Այն կամավորները` ովքեր առաջին անգամ են արյուն հանձնում, կնվիրաբերեն 300-350 մլ արյուն, փորձառուները` 350-400մլ
Եթե դուք որոշել եք նվիրել ձեր արյունը, ապա պետք է՝

* Լինեք 18 տարին լրացած

* Հիվանդացած չլինեք դեղնախտով

* Վերջին 6ամսվա ընթացքում 1ամիս և ավելի տևողությամբ բացակայած չլինեք Հայաստանից

* Լինեք առնվազն 55 կգ, եթե դուք իգական սեռի ներկայացուցիչ եք, և 65կգ՝ եթե արական սեռի ներկայացուցիչ եք

* Վերջին 24 ժամվա ընթացքում ալկոհոլ օգտագործած չլինեք

* Արյունատվությանը ներկայանալ քաղցած

* ԱՐՅՈՒՆԱՏՎՈՒԹՅԱՆԸ ՆԵՐԿԱՅԱՆԱԼ ԱՆՁՆԱԳՐՈՎ ԿԱՄ ՏՂԱՆԵՐԻ ՀԱՄԱՐ ԶԻՆԳՐՔՈւՅԿՈՎ:

Հայաստանի երիտասարդական հիմնադրամը 810 ուսանողի տրամադրեց կրթաթոշակ

Փետրվարի 16-ին Հայաստանի երիտասարդական հիմնադրամը կրթաթոշակի հավաստագրեր տրամադրեց պետական բուհերի առկա ուսուցման առաջին և երկրորդ կուրսերի՝ անվճար համակարգում չընդգրկված մոտ 810 ուսանողի: Կրթաթոշակ հատկացնելու նպատակով ՀՀ կառավարությունը հիմնադրամին է տրամադրել 60 միլիոն դրամ: Կրթաթոշակ ստացան բարձր առաջադիմություն, հասարակական ակտիվություն ունեցող, սոցիալապես անապահով, սահմանամերձ շրջանների ուսանողները: Կրթաթոշակների հանձնման արարողությանը ներկա էր և մի շարք ուսանողների հավաստագրեր հանձնեց ՀՀ վարչապետ Տիգրան Սարգսյանը։ Վարչապետը, շնորհավորելով ուսանողներին, նշեց, որ նրանց աջակցության հարցում լինելու են հետևողական։ ՙԿառավարության կարևորագույն կարգախոսը հետևյալն է. ֆինանսական միջոցների բացակայությունը, սոցիալական իրավիճակը հայկական ընտանիքներում չպետք է դառնան պատճառ, որպեսզի մեր տաղանդաշատ երիտասարդները չկարողանան ստանալ բարձրագույն կրթություն։ Մեր ջանքերն այդ ուղղությամբ լինելու են հետևողական։ Այսուհետև ևս ֆինանսական օժանդակությունը, որ մենք տրամադրում ենք երիտասարդներին, ավելացնելու ենք, և տարեցտարի ընձեռվող հնարավորությունները մեծանալու են՚,- ասաց ՀՀ վարչապետը։ Հայաստանի երիտասարդական հիմնադրամի հոգաբարձուների խորհրդի համակարգող Կարեն Ավագյանը նշեց, որ Հայաստանի երիտասարդական հիմնադրամն արդեն երրորդ տարին է, որ ՀՀ կառավարության որոշմամբ, իրականացնում է ծավալներով աննախադեպ այս ծրագիրը։ Կարեն Ավագյանը տեղեկացրեց, որ բացի կառավարության կողմից հատկացված 60 միլիոն դրամից, Հայաստանի երիտասարդական հիմնադրամը ևս տրամադրել է միջոցներ՝ կրթաթոշակները փոխհատուցելու նպատակով։ Կ. Ավագյանը, նշելով, որ ծրագրի ամենակարևոր նպատակն ուսանողների առաջադիմությունը խթանելն է, կոչ արեց նրանց լինել ավելի ակտիվ. ՙՍա մի ծրագիր է, որի միջոցով ուսանողները համոզվում են, որ բարձր առաջադիմությամբ, գիտելիքներով կարող են ինչ-որ խնդիր լուծել իրենց համար, թեթևացնել ծնողների հոգսը՚։ Նշենք, որ կրթաթոշակ ստանալու մրցույթին դիմել է հանրապետության պետական բուհերի 1-ին և 2-րդ կուրսերի մոտ 1400 ուսանող: Մարզերի բուհերում սովորող ուսանողներից ընդունվել է 232 հայտ, նրանցից 158-ն արժանացել են կրթաթոշակի։ Հայաստանի երիտասարդական հիմնադրամը երեք տարիների ընթացքում փոխհատուցել է ավելի քան 2150 ուսանողի ուսման վարձ։ 2012թ. դեկտեմբերին ուսման վարձերի փոխհատուցում ստացան նաև Հայաստանում սովորող 111 սիրիահայ ուսանողներ։

Ամբողջական հոդվածը կարող եք կարդալ այս հասցեով՝ http://www.aravot.am/2013/02/16/197804/

Google-ը տոնական լոգոտիպը նվիրել է Սատանայի անիվը ստեղծողին

Google համացանցային ընկերությունը փետրվարի  14-ին տոնական լոգոտիպով նշել է Սուրբ Վալենտինի օրն ու ամերիկացի ինժեներ Ջորջ Ֆերիսի ծննդյան 154-ամյակը:

Google-ի որոնման գլխավոր էջում տոնական լոգոտիպը փոխել են տեսական մի քանի անիվներով, որոնցից առաջինը` Ferris Wheel-ը, ստեղծվել է Չիկագոյում, ամերիկացի ինժեներ Ջորջ Ֆերիսի կողմից` Համաշխարհային  ցուցահանդեսի շեմին: Տեսական անիվների արանքում տեղադրվել է «սիրտ» կոճակ, որը սեղմելով կարելի է մասնակցել տոնական վիկտորինային:

Ամերիկացի ինժեներ Ջորջ Ֆերիսին համաշխարհային փառք է բերել  Տեսության առաջին անիվի ստեղծումը` Համաշխարհային  Կոլումբիական ցուցահանդեսի համար 1893 թվականին: Ֆերիսը ծնվել է Գեյլսբերգում, ապա, երբ Ֆերիսը հինգ տարեկան էր,  նրա ընտանիքը վաճառել է կաթնային ֆերման եւ տեղափոխվել է Կարսոն-Սիթի: Ավելի ուշ նրանք տեղափոխվել են Կալիֆորնիա:

Ֆերիսը 1881 թվականին ավարտել է Ռենսելիրայի Պլիտեխնիկական  ինստիտուտը` քաղաքացիական շինարարության աստիճանով: Դրանից հետո նա իր կարիերան սկսել է երկաթուղային տրանսպորտի արդյունաբերությունում, եւ հետաքրքրվել է կամուրջների շինարարությամբ:

Հեպատիտ E-ի դեմ աշխարհում առաջին պատվաստանյութը վաճառքի է հանվել Չինաստանում

Չինական Xiamen Innovax Biotech դեղագործական ընկերությունը 2 տարվա կլինիկական փորձարկումներից հետո վաճառքի է հանել հեպատիտ E-ի դեմ աշխարհում առաջին պատվաստանյութը, հայտնում է РИА-Новости-ին՝ հղում անելով Xinhua գործակալությանը։

Պատվաստանյութը ստեղծվել է Սյամենի համալսարանի գիտնականների և Xiamen Innovax Biotech ընկերության մասնագետների համատեղ աշխատանքի արդյունքում և փորձարկվել է 113 հազար կամավորների վրա։

Ընդհանուր առմամբ, հեպատիտ E-ի վարակը տարածվում է աղտոտված ջրի և սննդի միջոցով, և ,ըստ Առողջապահության միջազգային կազմակերպության տվյալների, ամբողջ աշխարհում ամեն տարի այս հիվանդությունով են վարակվում 20 մլն մարդ։ Ինչ վերաբերում է Չինաստանին, ապա հեպատիտ E-ն այս երկրում հանդիսանում է վարակային հեպատիտի ամենատարածված տեսակներից մեկը։

Սուր շնչառական վարակների և գրիպի համաճարակային իրավիճակը տարածաշրջանում և Հայաստանում

Առողջապահության համաշխարհային կազմակերպության տվյալների համաձայն եվրոպական տարածաշրջանում դիտվում է սուր շնչառական վարակների տարածվածության շարժընթաց հարավից հյուսիս։ Հարավում իրավիճակն արդեն կայունանում է, իսկ հյուսիսում աճի միտումը դեռ շարունակվում է։ 90% դեպքերում արձանագրվում են գրիպի Ա, մնացած դերքերում` Բ տեսակները:

Տարածաշրջանի երկրներում՝ Վրաստանում, Ադրբեջանում, Թուրքիայում, համաձայն Առողջապահության համաշխարհային կազմակերպության տվյալների, գրիպի և սուր շնչառական վարակների համաճարակային իրավիճակը լարված չէ: Ռուսաստանի Դաշնության մի շարք վարչական միավորներում դիտվում է սուր շնչառական վարակների սեզոնային աճ:

Հայաստանի Հանրապետությունում ներկայումս սուր շնչառական վարակների համաճարակային իրավիճակը հանգիստ է: Դիտվում է սեզոնային բնականոն ընթացք: Հանրապետությունում իրականացվող մոնիտորինգի տվյալներով Հայաստանում սուր շնչառական վարակների հիվանդացությունը 2013 թվականի ընթացքում 2012 թվականի նույն ժամանակաշրջանի համեմատ նվազել է մոտ 1,1 անգամ: Սեզոնի ընթացքում իրականացվող շաբաթական մոնիտորինգի տվյալների վերլուծությունը վկայում է, որ 2013 թվականի 4-րդ շաբաթվա ընթացքում նախորդ տարվա նույն շաբաթվա համեմատ նվազել է գրեթե 1,7 անգամ:

Հանրապետությունում ներկայումս շրջանառում են գրիպի վիրուսի Ա և Բ տեսակները:

Ռոբոտ Դեղատունը UCSF բժշկական կենտրոնում

Ռոբոտ Դեղատունը UCSF բժշկական կենտրոնում
Այս տեսահոլովակում կարող եք տեսնել  Ռոբոտ Դեղատունը UCSF բժշկական կենտրոնում, որը նախատեսված է բժշկական կենտրոնի հիվանդներին  տալ ՝ ճիշտ դեղամիջոց ,ճիշտ ժամանակին  և նվազեցնել  սխալները:

Բրիտանացի մասնագետները հայտարարել են հակաբիոտիկների դարաշրջանի ավարտի մասին

Բրիտանացի մասնագետները հայտարարել են, որ բակտերիաների թվի աճը, որոնք կարող են հակազդել հակաբիոտիկներին մարդկության համար պակաս վտանգավոր չեն, քան գլոբալ տաքացումը:

Բժիշկների կարծիքով, շատ շուտով ցանկացած վիրաբուժական միջամտություն վտանգավոր կարող է լինել մարդու կյանքի համար, քանի որ հակաբիոտիկները կդադարեն պաշտպանելուց՝ կորցնելով  իրենց հատկությունները բակտերիաների               ճնշման տակ: 

Գիտնականները կարծում են, որ հակաբիոտիկների օգտագործման դարաշրջանը մոտենում է ավարտին: Նոր հակաբիոտիկներ չկան, իսկ հները շուտով կդադարեն պաշտպանել մարդուն

Փետր­վա­րի 11­-ը մի­ջազ­գային օրա­ցույ­ցում նշ­ված է որ­պես Հի­վան­դի հա­մաշ­խար­հային օր:

Փետր­վա­րի 11­-ը մի­ջազ­գային օրա­ցույ­ցում նշ­ված է որ­պես Հի­վան­դի հա­մաշ­խար­հային օր: Այդ որո­շու­մը սո­ցիալա­կան քայլ է` ուղղ­ված աջակ­ցե­լու մարդ­կանց, ով­քեր հայտն­վել են հի­վան­դի կար­գա­վի­ճա­կում:

Հի­վան­դի հա­մաշ­խար­հային օրը (World Day of the Sick) հաս­տատ­վել է 1992 թ. մայի­սի 13­-ի­ն` Հով­հան­նես Պաուլ 2-րդ Պա­պի (Pope John Paul II) նա­խա­ձեռ­նու­թյամբ: Նա իր հա­տուկ ու­ղեր­ձում նշել է, որ Հի­վան­դի հա­մաշ­խար­հային օր­վա ամե­նա­մյա տո­նա­կա­տա­րու­թյունն ու­նի որոշա­կի նպա­տակ: Հռո­մի Պապն այդ նպա­տակն այս կերպ է սահ­մա­նել. «կա­թո­լի­կա­կան, բժշ­կա­կան բազ­մա­թիվ կազ­մա­կեր­պու­թյուն­նե­րի աշ­խա­տա­կից­նե­րի, հա­վա­տա­ցյալ­ների, ամ­բողջ քա­ղա­քա­ցիական հա­սա­րա­կու­թյան ու­շադ­րու­թյու­նը սևե­ռել հի­վանդ­նե­րի և տկար­նե­րի հան­դեպ խնամ­քի ապա­հով­ման ան­հրա­ժեշ­տու­թյա­նը` թեթ­ևաց­նե­լու նրանց տան­ջանք­նե­րը»։

1991թ. հայտ­նի դար­ձավ, որ Հով­հան­նես Պաուլ 2-րդ Պա­պը հի­վանդ է Պար­կին­սո­նյան հիվան­դու­թյամբ: Ու­շագ­րավ է, որ Հռո­մի Պա­պը Հի­վան­դի հա­մաշ­խար­հային օրը հաս­տատեց իր ախ­տո­րոշ­ման լու­րից մեկ տա­րի ան­ց:

Ա­ռա­ջին ան­գամ Հի­վան­դի հա­մաշ­խար­հային օրը նշ­վել է 1993թ. փետր­վա­րի 11­-ի­ն: Տա­րե­թի­վը սկզ­բում ընտր­վել է կապ­ված նրա հետ, որ աշ­խար­հի բո­լոր կա­թո­լիկ­նե­րը վա­ղուց ի վեր փետր­վա­րի 11­-ին նշում են Հի­վան­դի օրը: Հենց այդ օրը ֆրան­սիական Լուրդ տե­ղան­քում շատ դա­րեր առաջ տե­ղի է ու­նե­ցել Աստ­վա­ծա­մոր եր­ևան գա­լը: Սուրբ կույ­սը` Լուր­դյան Աստ­վա­ծա­մայ­րը (Our Lady of Lourdes), բու­ժել է հի­վան­դությամբ տա­ռա­պող­նե­րին՝  այդ կերպ դառ­նա­լով հի­վանդ­նե­րի փր­կի­չը:

Ո­րո­շում կա­յաց­վեց. Հի­վան­դի հա­մաշ­խար­հային օր­վա առի­թով հար­ցազ­րույց­ներ վարել հի­վանդ-բժիշկ հա­րա­բե­րու­թյան թե­մայի շուրջ`  դի­տար­կելով այն տար­բեր  տե­սանկյուն­նե­րից.

Դեղագործական շուկայում արձանագրվել են դեղերի գների էական տատանումներ

Առողջապահության նախարարության դիտարկումների համաձայն 2012թ. հոկտեմբեր և դեկտեմբեր ամիսներին դեղագործական շուկայում արձանագրվել են դեղերի գների էական տատանումներ: Ուսումնասիրությունները ցույց են տվել, որ 2012թ. հոկտեմբեր և դեկտեմբեր ամիսներին հանրապետություն է ներկրվել 2189 անուն դեղ (հոկտեմբերին` 1009, դեկտեմբերին` 1180): Երկու ամիսներին ներկրված 581 նույն դեղից 40-ի մոտ նկատվել է 10%-ից ավելի թանկացում և գրեթե նույնքան դեղի մոտ նույնչափ էժանացում։ Այդ ամիսներին ներկրված դեղերի կեսից ավելիի մոտ գները մնացել են անփոփոխ:

Ինչպես հայտնում է Հայաստանի Հանրապետության Առողջապահության նախարարության պաշտոնական կայքը, հետագա դիտարկումների արդյունքներով 2013թ. տարեսկզբից դեղերի գների տատանումների աստիճանի համեմատական նվազում է նկատվում:

Դեղերի գների տատանումների հիմնական պատճառ կարող են հանդիսանալ արտադրողի կողմից գների և արտարժույթի փոխարժեքի փոփոխությունները:

Միաժամանակ տեղեկացնում ենք, որ հանրապետությունում դեղերի գները ազատականացված են և ՀՀ առողջապահության նախարարությունը դեղերի գների աճի զսպան իրական լծակներ չունի: Տնտեսական մրցակցության պաշտպանության պետական հանձնաժողովի հետ համատեղ ՀՀ ԱՆ ստեղծել է դեղերի շուկայում հակամենաշնորհային երևույթների զսպման մեխանիզմներ։ Մասնավորապես, ՀՀ առողջապահության նախարարությունը դեղերի շուկայում իրականացնում է մշտադիտարկում և արդյունքները մեկամսյա հաճախականությամբ ներկայացնում ՏՄՊՊՀ։

Նյութի աղբյուր pharmacy.am

ԱՐՅՈՒՆԱՏՎՈՒԹՅԱՆ ԱԿՑԻԱ ԵՊԲՀ-ՈՒՄ

            Փետրվարի 5-ին Բժշկական Համալսարանի վարչական մասնաշենքի 1-ին հարկում առավոտյան 10:00-ից սկսած Դեղագիտական ֆակուլտետային խորհուրդը կազմակերպել էր անվճար արյունատվություն լեյկոզով հիվանդ երեխաների համար` կամավոր հիմունքներով:Այդ հարցում կամավորներին աջակցեցին Յոյլանի անվան արյունաբանական կենտրոնի մասնագետները: Նախաձեռնությանը ակտիվորեն մասնակցեցին Երևանի տարբեր բուհերի ուսանողներ այս կերպով իրենց ավանդը ունենալով հիվանդ երեխաների կյանքի փրկության գործում:

Կամավոր անհատույց արյունատվությունը առողջ ապրելակերպի բաղադրամաս է, մարդասիրական քայլ և հասարակության հանդեպ բարոյական պարտք: Շնորհակալություն ենք հայտնում բոլոր կամավորներին այս նախաձեռնությանը մասնակցելու և աջակցելու համար:

 

Դեղագիտական ֆակուլտետային խորհուրդ

Դեղագիտական ֆակուլտետային խորհուրդ

Ստեղծման տարեթիվը` 1994թ.

Նախագահներ`
Ա.Խաչատրյան  1994-1995 թթ
Ա.Ղազարյան 1995-1997 թթ
Տ.Փինաչյան 1997-1998 թթ
Հ.Տանայան 1998-1999 թթ
Խ.Աբրոյան 1999-2000 թթ
Ա.Մատինյան 2000-2001 թթ
Բ.Խաչունց 2001-2003 թթ
Ք.Խաչատրյան 2003-2004 թթ
Կարեն Դիլբարյան 2004 թթ
Մարթա Սիմոնյան 2005 թթ
Արսեն Միրզոյան 2005-2006 թթ
Սիրուշ Սմբատյան 2006-2008 թթ
Նելլի Հարությունյան 2008-2009 թթ
Մարիամ Անտոնյան 2009-2011 թթ
Վազգեն Մկրտչյան 2011թ. առ այսօր :


Դեղագիտական ֆակուլտետային խորհրդի նպատակն է.

համախմբել ֆակուլտետի տարբեր կուրսերում սովորող ուսանողներին
հնչեցնել ուսանողի ձայնը ադմինիստրատիվ օղակներում
ստեղծել համապատասխան դաշտ ուսանողների մասնագիտական և ոչ մասնագիտական ունակությունների և հմտությունների կատարելագործման ու բարելվման համար
հնարավորություն տալ հասարակական աշխատանքով զբաղվելու միջոցով մարդկանց հետ շփվելու փորձ ձեռք բերելուն :

Դեղագիտական ֆակուլտետային խորհրդի գործունեությունը

ֆակուլտետի «լավագույն խումբ»,  «լավագույն ուսանող»  անվանակարգերում ` մրցույթների կազմակերպում և մրցանակաբաշխություն
«Ոսկե աշուն» և «Ուսանողական գարուն» ամենամյա մրցույթ փառատոններին մասնակցություն
հերթապահություն ուսանողական խորհրդարանում
ուսանողական շաբաթօրյակների կազմակերպում
տարբեր թեմաներով ֆորումների կազմակերպում
ուսանողական էքսկուրսիաների և արշավների կազմակերպում դեպի Հայաստանի գեղատեսիլ վայրեր                ամենամյա այց դեպի Ծիծեռնակաբերդի հուշահամալիր և բազում այլ միջոցառումներ:



Դեղագիտական ֆակուլտետային խորհրդի ղեկավարներն են.

Խորհրդի նախագահ`  Վազգեն Մկրտչյան                                  
փոխնախագահ`  Արթուր Սարգսյան                                                          
տեղակալ` Արեգ Գալստյան                                                            
քարտուղար` Անի Նահապետյան

Դեղագիտական ֆակուլտետային խորհուրդի նիստերը անց են կացվում յուրաքանչյուր  ուրբաթ օրը ժ 14:30: